كنسمع الشتا اليوم بحال شي ليلة من ليالي راس العام, و اللي متيقنيش يرجع ل النشرة لجوية ديال تاريخ اليوم, مللي كنكونو صغار كتفكرنا الشتا غير فالحوايج الزوينة, كنتمناو نخرجو و نغنيو ليها الشتاتاتا, و لكن مللي كنكبرو كتفكرنا الشتا بعد المرات فالحوايج اللي ما كناش عارفينها من الدنيا, و اللي كايحاولو واليدينا يخبيوها علينا, و لا على الأقل بالنسبة ليا أنا, كتفكرني الشتا فليالي اللي سمعتها فيها تحت قصدير الكاريان و سحابلي بللي الله كان غاضب علينا و بغا يلوح القصدير فوق ريوسنا حتا سمعت صوت بنت .جارتنا فالبيت اللي حدانا كتبكي و عرفت بللي ماشي الله هو السباب ديال هادشي,
كتفكرني الشتا فأول ليلة مللي هربت من دارنا, فكرت بللي الله غضبان عليا تاني و لكن ماتسوقتش ليه حيت حتى أنا غضبانة عليه علاش ديما كنت كنسمع ليه و هو مكيسمعش ليا؟ هو السباب ديال هادشي اللي أنا فيه.
أول مرة سمعت كلمة الهاريبة كان فعمري 12 عام كنت كنقرا فالاعدادية, سمعتها من جوج دراري كايهدرو على واحد البنت و فكرت فيها بزاف, مناش كانت هربانة؟ و ل فين؟ فليلة بحال هادي كنكون بوحدي و كنفكر فنفس البنت, شحال يكون فعمرها دابا؟ و واش فكرات بحالي شي نهار؟ ممكن تكون فكرات فيَ شي نهار؟ ماشي مشكل هي صاحبتي واخا مكتعرفنيش, كنت كنتخيلها بحال سوبر حادة -مادام معندنا حتى امرأة مغريبية واعرة بحالها فالتلفزة- و لكن من بعد عرفتها واعرة عليها و عرفت نجاوب على السؤال الأول.
هربت حيت حتا واحد ما قدر يجاوبني على الأسئلة اللي كنت كنسول مللي كنت صغيرة, علاش كان خاصني نفطر كل نهار بالخبز و
أتاي؟ علاش الأستاذة كان خاصها ضربني كل نهار باش نحفض القرآن, و مللي كبرت عقت بللي كذبو عليا حيت علاش أنا حافضة غير القرآن و هم حافضين الفرونسي, هربت حيت حتى حاجة ماكانت تستاهل نبقى على ودها, و هربت حيت راسي قاسح, علاش .غير حيت أنا بنت داكشي علاش ماكانش عندي الحق نمشي,الواليد نهار خلانا و حنا صغار حتى واحد ما تبعو بالعار
و هربت حيت هي الطريقة الوحيدة اللي كاينة, باش نقدر نطلع لشجرة الخطايا الفوق باش نقدر نشوف الكاريان كيفما كيشفو الله,باش نقدر نعرف واش خاصني نسامحو, و نشرح لولد يامنة الشلحة لاش ماكيشوفش, و كيفطر حتى هو بالخبز و أتاي, و لا نزيد نكرهو,
و ننزل نقنع الناس علاش خاصهم يطلعو يقتلوه.
و علاش كاع كعاو عليا ياك غير ناقصة عقل و دين؟
قواعد الهروب :
1- ايلا كنتي كتاكل فطور واعر ما فيهش غير الخبز و أتاي ما كاين لاش تهرب
2- ايلا كنتي كتخاف تتلف متتبعنيش, و الطريق طويلة بزاف
3- من غير هادشي مكايناش قواعد, لبس اللي بغيتي, كتب اللي بغيتي و نعس مع اللي بغيتي. انا ماشي ماماك رسم طريقك كيف كتخيلها مللي كتحلم.
كتفكرني الشتا فأول ليلة مللي هربت من دارنا, فكرت بللي الله غضبان عليا تاني و لكن ماتسوقتش ليه حيت حتى أنا غضبانة عليه علاش ديما كنت كنسمع ليه و هو مكيسمعش ليا؟ هو السباب ديال هادشي اللي أنا فيه.
أول مرة سمعت كلمة الهاريبة كان فعمري 12 عام كنت كنقرا فالاعدادية, سمعتها من جوج دراري كايهدرو على واحد البنت و فكرت فيها بزاف, مناش كانت هربانة؟ و ل فين؟ فليلة بحال هادي كنكون بوحدي و كنفكر فنفس البنت, شحال يكون فعمرها دابا؟ و واش فكرات بحالي شي نهار؟ ممكن تكون فكرات فيَ شي نهار؟ ماشي مشكل هي صاحبتي واخا مكتعرفنيش, كنت كنتخيلها بحال سوبر حادة -مادام معندنا حتى امرأة مغريبية واعرة بحالها فالتلفزة- و لكن من بعد عرفتها واعرة عليها و عرفت نجاوب على السؤال الأول.
هربت حيت حتا واحد ما قدر يجاوبني على الأسئلة اللي كنت كنسول مللي كنت صغيرة, علاش كان خاصني نفطر كل نهار بالخبز و
أتاي؟ علاش الأستاذة كان خاصها ضربني كل نهار باش نحفض القرآن, و مللي كبرت عقت بللي كذبو عليا حيت علاش أنا حافضة غير القرآن و هم حافضين الفرونسي, هربت حيت حتى حاجة ماكانت تستاهل نبقى على ودها, و هربت حيت راسي قاسح, علاش .غير حيت أنا بنت داكشي علاش ماكانش عندي الحق نمشي,الواليد نهار خلانا و حنا صغار حتى واحد ما تبعو بالعار
و هربت حيت هي الطريقة الوحيدة اللي كاينة, باش نقدر نطلع لشجرة الخطايا الفوق باش نقدر نشوف الكاريان كيفما كيشفو الله,باش نقدر نعرف واش خاصني نسامحو, و نشرح لولد يامنة الشلحة لاش ماكيشوفش, و كيفطر حتى هو بالخبز و أتاي, و لا نزيد نكرهو,
و ننزل نقنع الناس علاش خاصهم يطلعو يقتلوه.
و علاش كاع كعاو عليا ياك غير ناقصة عقل و دين؟
1- ايلا كنتي كتاكل فطور واعر ما فيهش غير الخبز و أتاي ما كاين لاش تهرب
2- ايلا كنتي كتخاف تتلف متتبعنيش, و الطريق طويلة بزاف
3- من غير هادشي مكايناش قواعد, لبس اللي بغيتي, كتب اللي بغيتي و نعس مع اللي بغيتي. انا ماشي ماماك رسم طريقك كيف كتخيلها مللي كتحلم.
0 commentaires:
Enregistrer un commentaire